حلمى انى اوصل لسيادة الرئيس عبدالفتاح السيسي واقوله فكرتى ..كلمات ابهرتنا بها فتاة ال 21 عام خلال حديثنا معها
أيه شريف هي طالبه بالمعهد العالي للدراسات النوعيه نظم المعلومات الاداريه النهارده بتحكي تفاصيل رحلتها معانا وهي نموذج يقتدي به هدفها انها تخدم وتساعد الصم والبكم
ابتكرت تطبيق يستمع ل الشخص ال بيتكلم معاهم ويكتبلهم الكلام علي الموبايلحلمى انى اوصل لسيادة الرئيس عبدالفتاح السيسي واقوله فكرتي عشان اساعد الشباب والأطفال أنهم يوصلو واساعد بلدى أنها تبقي حاجه اكبر واكبر وواثقة أن لو الفكره دى اتنفذت مصر وشبابها هيكونو فى مكانه تانيه
الفكره مش محتاجه فلوس نهائى حكايتي بدأت بعد 3 ثانوي عملت معادلة ومنجحتش فيها رغم انى تعبت كتير عشان اوصلها ضاع من عمري سنه وبعدها دخلت المعهد العالي للدراسات النوعيه نظم المعلومات الاداريه هندسة برمجه
ناس كتير كانت فرحانه فيا وفرحانه انى منجحتش رغم انى عندى موهبه كبيرة فى التصميم الهندسي بس محصلش نصيب دخلت المعهد ومن أول شهر اتعينت فى نادى المعهد كابتن جيم اتعاقبت من بابا أن انا ال ادفع مصاريف المعهد يعنى متكفله بمصاريفى
العقاب ده خلانى اعافر بابا كان هدفه هنا مش انه يخلينى ايأس أنه يخلينى انجح واعتمد على نفسي وبعدها أما لقانى بنحج أصبح يفتخر بيا أمام الجميع ويساعدنى هو وماما بعد ما كنت كابتن فى الجيم بقيت اداريه وبعدها بقيت شئون عاملين النادى وكنت اول طالبه تشتغل وتمسك منصب زاى كدا ميأستش من الكلام ال بيجيلى ميأستش من فرحة الناس فيا
وحقيقي اكتشفت أن مجالى افضل بكتير من هندسه التصميم فضلت اعافر عشان اوصل لحلمى جتلى فكرة انى اعمل ابلكيشن ترجمه للصم والبكم وعاوزه اعمل فكره ابديت للتعليم عاوزه كل الشباب محدش ييأس كتير اوي هنقبلهم في حياتي عاوزين يخلونا نيأس بس انت شخص ناجح من جواك متستسلمش للفشل من جواك طالما عندك هدف أجرى وراه أسعى هتقابل مطبات كتير فى حياتك بس اوعى تقع لازم عشان توصل تتعب
السبب فى ال انا بوصله دلوقتي اول حد هو ربنا وبعدها بابا وماما انا من غيرهم عمرى ماكنت هوصل هما ال جعلو منى انسانه واثقه فى نفسها هما ال خلونى كدا بعد ربنا طبعا
عاوزه اعمل اسم لنفسي اخلى الكل يتكلم عنى عاوزه اوصل كلامى كل بنت وكل ولد واقولهم الحياة مش صاعبه والأهداف مافيش اسهل منها بس عافر ليها عشان توصلها لو فى الطريق ده شر ربنا هيجعلو خير ليك لمجرد انك بتسعى عشان توصله الحياه جميله عيش اللحظه بلحظتها ولو موصلتش لحاجة معينه شوف هدف تانى زيها واوصله يوصلك ليها اجتهدوا واعملوا مشروع صغير يجيب المشروع الكبير بس اهم حاجه لازم تتعب عشان تحقق أهدافك وهتتحط تحت اختبارات كبيره من عند ربنا فا خليك واثق وعندك امل فى ربنا ودائما أن الله مع الصابرين